Txakurrak lotuta eraman behar dira Eraztun Berdean

Gasteizko Ingurumen Gaietarako Ikastegiak (IGI) kanpaina bat abiatu du herritarrei gogorarazteko txakurrak lotuta eraman behar direla Eraztun Berdean. Helburua da animalia solteek inguruko fauna, flora eta landaredian izan dezaketen eragina azaltzea.

Kanpainako materialek ohartarazten dute txakur solteek fauna uxatu dezaketela, habiak eta hegaztiak babestu behar direla, eta zapalketak landaredia kaltetu dezakeela. Era berean, birsortze eremuetan arreta berezia eskatzen da, eta gogorarazten da laboreak lanerako guneak direla, ez jolaserakoak.

IGIren kanpainak kartelak, liburuxkak, bideoak eta iragarkiak biltzen ditu, baita sare sozialetarako edukiak ere. Mezua argia da: Eraztun Berdea espazio natural babestua da eta erabilera arduratsua behar du.

Gasteizko Udalak txakurrentzako askatze guneak ditu hainbat lekutan: bat Salburuan, bi Olarizun, bat Zabalganean, bat Armentian eta bi Zadorraren inguruan, Atxan eta Abetxukun.