Alazne Mancharen erakusketa ikusgai Ignacio Aldecoa Kultur Etxean

Ignacio Aldecoa Kultur Etxeak ‘Natura ederra da – La naturaleza es hermosa’ erakusketa inauguratu du. Alazne Mancha artista arabarraren lanak ekainaren 18tik abuztuaren 1era arte egongo dira ikusgai.

Alazne Mancha Laudiokoa da, 40 urte ditu, eta 16 urte zituenetik margotzen du. Pintura bere zaletasun handienetako bat da.

Erakusketak naturan eta euskal dantzetan oinarritutako lanak biltzen ditu. Artistak berak azaldu duenez, natura da bere inspirazio-iturri nagusia, eta euskal dantzak txikitatik daraman zaletasuna dira.

Manchak zortzi urte daramatza Indesan lanean. Desgaitasuna du, eta erakusketaren bidez aukera berdintasuna eta errespetua aldarrikatu nahi ditu.

Artistaren hitzetan, erakusketa honen bidez bere begietatik ikusten duenaren zati bat erakutsi nahi du.

Si quieres hacernos llegar una información, una denuncia, una historia o una propuesta, puedes escribirnos por WhatsApp al 623 03 89 00 o enviarnos un correo a redaccion@gasteizberri.com