Migrazio-erronkari elkarlanean aritzeko planteamendua aurkeztu du Eusko Jaurlaritzak

2019ko maiatzaren 6an, “Propuesta Share” izeneko ekimena aurkeztu dute Europar Batasuneko azpiestatu-mailako zenbait gobernuek (Euskadi, Nafarroa, Katalunia, Melilla, Kanaria uharteak, Communauté d’ Agglomération Pays Basque eta Nouvelle Aquitaine).

Elkarbizitza eta inklusioa sustatzea da “Propuesta Share”-ren funtsezko helburua, horrez gainera estatuko gobernuei konpromisoa bere gain hatzeko aldez aurretiko jarrera izatea helaraztea.

Oinarrizko hiru ideia ditu instituzio autonomikoen ekimenak:

• Migrazio kontuetan, zer edo zer gehiago eta hobeto gorpuztu daiteke Europan. Gaur egungo erantzuna ez da nahikoa.
• Giltza erantzunkidetasun-oinarria partekatzean datza. Konpromisoa eskatu eta eskaintzen dute.
• Estatuz azpiko gobernuak engaiatzeko prest daude, badute ekarpenik egiteko eta esateko zerbait.

Migrazio-erronkaren aurrean erantzukizunaren bidezko banaketa ahalbidetuko duen mekanismoa ezartzea da “Propuesta Share”-ren jomuga. Hiru parametrotan oinarrituta dago mahaigaineratutako formularen antolamendua:

• Sarrera fiskalak (edo Batez Besteko Errenta Eskuragarria, edo BPG), %50eko pisuarekin;
• Biztanleria, %30eko eraginarekin;
• Eta langabezia-indizea, %20rekin.

Hurrengo taldeak barne hartzen ditu “Propuesta Share”-k:

• Errefuxiatuak eta asilo-eskatzaileak;
• Larrialdi-egoera eta testuinguru zaurgarrietan bizi diren pertsona migratzaile-ekonomikoak;
• Bakarrik migratzen duten adingabekoak eta gazteak.

Ondorengo lurralde-esparruetan:

• Europar Batasuneko estatuen artean;
• Estatu bateko herrialde edota autonomia erkidegoen artean;
• Herrialde edota autonomia erkidegoko eskualdeen eta udalerrien artean.